「點解粒雪糕怪怪嘅？」

我好鐘意食甜班戟，即係有啲生果再加雪糕然後你自己再勁落糖醬個種。

好多年前有次去澳洲出名食各式各樣不同班㦸的餐廳 Pancakes parlor 食早餐，我如常地叫甜班戟，有士多啤梨加雪糕咁啦，老公叫有煙肉煎蛋既咸班戟。

上菜後老公仲玩緊手機，咁唔專心丫拿？好，等我偷佢果舊雪糕先！

佢舊雪糕細粒啲同埋比較黃，我估係香草味掛？

快快手一偷！一野放入口唔好俾佢發現呀！

咦點解粒雪糕咸既？

Oh shit Lai 野！我唔係食緊牛油下話？ 

說時遲那時快，原來老公一路望住我一口咬住舊牛油然後面容扭曲並念念有詞：「點解粒雪糕怪怪既？」

被洞悉之後我就大爆笑停唔到，實在太柒了！

自始之後我地每次去 Pancakes parlour 佢都會 offer 請我食佢個粒雪糕恥笑一番。

直到今時今日…