就從雨傘運動開始我覺得好明顯大家越來越暴戾，藍屍黃絲的大家在 unfriend 對方。
有朋友不斷就轉發 [黑警死全家] 立場的報導，而有家人是警察的朋友就發聲明話如果你咁諗就 unfriend 我啦咁。
由幾時開始報紙會寫野咁扇情？
記得細個時報紙好悶架，地點日期時間死者死法，完。
而家會變成 [好爸爸因為被新手醉駕司機而成為車下魂，留下患病妻兒], 幾時變成咁有故事性嘅？
你唔俾係個死者衝出馬路，咁啱司機剛打完邊爐食左碎雞鍋所以驗出有酒精嘅咩？
點解報紙咁有政治立場，蘋果同東方寫的野咁唔同嘅？
你支持同性結婚就等於反對基督？
你係基督徒就一定唔支持婚前性行為？
你唔係紅衫軍就係黃衫？
你唔鐘意 G-Dragon 就等於討厭 K-pop?
ISIS 一定要死，所有 Muslim 都係恐怖分子？美國因為有槍就代表危險？
你支持 Magneto 的話，全部人類都是衰，mutant 一定要同人類對立？
你支持 professor x 就覺得人類同 mutant 應該要包容，要共全，但就代表 mutant 不能做自己，要節制？
你係香港人就一定要憎大陸人？所有大陸人就一定是蝗蟲？
香港 band 界已經好細，但又唔團結，小小對音樂立場不同又係鬧爆另一邊。
點解一定要不支持便是反對？
而冇意見又變成 "冇思想冇主見" / "政治冷感" / "花生友" / "世界仔"?
你覺得現今世代突然變得兩極分化，非左即右咁，每個人見到好似有共鳴的文章 (有時只是標題，內容都冇讀）就按 share。
或者見到自己唔同意的文章又即刻址火就爆粗留言大鬧。
唔知呀，見到朋友有時候因為政治立場不同絕交，有時候覺得好可惜。
