有個韓國工作嘅朋友來 Melbourne 要聚舊飲杯咖啡，強烈要求去呢間 white mojo.
｛環境 ⭐️｝其實裝修唔錯，現代氣息，錯就錯在用大量超白光燈，一入去就見光死！大佬呀，而家係蒲完去想帶條女番屋企前去下 7 仔翠華照妖鏡睇下條女個樣惦唔惦咩？
全間野爆滿要在門口入面等幾分鐘，咁就有機會俾我望下間野，嘩好多亞洲人！睇真啲好似全部韓妹！再睇真啲佢地一開口講野，屌原來係大陸人！個個著得好潮全身名牌/化韓妝整容，塊面渣白到螢光，加鮮橙色咬唇妝，慘慘豬一字眉嘅偽韓妹！
坐得好迫，一路聽住四周大聲講國語，我地三個根本傾唔到計，落左 club 咁。
我地張台比較近門口，光猛猛地我就同門口十個等位第外賣的留學生你眼望我眼。
我覺得間野可能被 bloggers or models or wechat 網紅登過先咁爆滿，大家冒名而來。
{食物 ⭐️⭐️⭐️⭐️｝食物係唔錯嘅，menu 都幾有心思，加好多乜 seeds 物 berries 咁，呢期健康達人最愛的 super foods.
櫃台又有好多色彩繽紛好靚望落好好味的蛋糕甜點，賣相一流，不過我冇試到。
雖然係閒日，由於爆滿，服務係非常慢，不過來得咖啡店想吹水就預左坐番兩個鐘，所以 ok.
{咖啡} 我唔理你環境服務其他客人喇，杯咖啡先係重點。竟然唔熱！😡
我唔知係佢地太多單所以 heat 唔夠度數丫？定其實杯咖啡放左在 bench 灘凍哂先有伙記拎過黎，總之我第一啖已經唔熱，第二啖微暖，之後就大半杯是室溫的。
因為呢杯暖咖啡，我一定唔會再幫襯。
大家要記住，lowina 對飲食冇乜要求，總之唔辣嘅野我都會食，通常乜都覺得好味，我話好食嘅野大家可以唔信我，但我話難食的話你地就真係唔好去了。
