大雜會養顏牛骨湯 - 露 V style

我是湯怪, 可以飲湯當飯食, 不過細個時並沒有喝到很多香港家庭常飲的中式湯水。
爸爸最喜歡煲豬骨蕃茄薯仔蛋花湯, 或者蕃茄蛋花湯, 或者西洋菜湯, 我可以飲好多的。
妹妹只愛飲罐頭牛尾湯 (真易養)。

現在我會每星期煲老火湯滋潤養顏一番, 但老公不愛藥材湯, ok 無問題, 我可以煲一大煲雞湯自己分幾天享用的,
但老公又會八掛問我撩一碗來飲, 然後又會嫌為甚麼不夠肉? 有沒有加粟米? 可以加隻雞蛋嗎?
慢慢地演變成我開始把家裡所有藥材和蔬菜都放入去煲, 成為古怪大雜會的菜肉湯了, 半中半西但營養豐富啦。

 

 

材料 :

牛骨, 玉竹, 淮山, 海底椰, 杞子, 黨參, 雞心棗, 雪耳, 薑, 蒜頭, 蕃茄, 紅蘿蔔, 粟米, 西芹



做法 :

• 煲滾水
• 放入牛骨再煲滾, 把面層的嘔心泡泡挑走
• 放入藥材 (玉竹, 淮山, 海底椰, 杞子, 黨參, 雞心棗,雪耳, 薑, 蒜頭) 再煲滾, 然後轉慢火一小時, 加鹽調味, 我先飲一碗, 呵呵
• 放入紅蘿蔔 , 粟米, 西芹再煲一小時, 我再飲一碗, 呵呵
• 最後放蕃茄 (我用罐頭的, 因為平又懶), 再煮半小時即成。