上回提到番朝九晚九唔著數，無論你賺幾多人工都好，大多數人都會每月洗至少一半到什至洗突。
要儲好耐錢先可以揀結婚定買樓定生仔定投資定去旅行。
所以條數就係你基本上要番三四十年工直到儲夠錢退休。
多數人每日做自己唔鐘意做的事，受氣受壓工時長見唔到家人，有錢都冇假放，為的就係錢。
但其實賺錢唔一定要靠番工。
今集就講，既然你知道打工揾笨柒的話，做乜要犧牲自己仔女的童年去狂迫佢地背書默書温書記埋啲日後用唔著的課本，考試測試小考大考 mock 考...
要小朋友番學補習加做功課温書時間長到好似大人番工 OT 咁朝八晚十。
放假都要學乜學乜，再做功課温書，啲野越來越深壓力大到小學生都話要跳樓。
為的就係將來要入大學然後 “打份好工”?
咁你個仔女將來就係要番三四十年工直到儲夠錢退休。
每日做自己唔鐘意做的事，受氣受壓工時長見唔到家人，有錢都冇假放，為的就係錢。
於是佢地冇童年，長大後又係冇得玩。
最慘就係借 grand loan 讀書嗰啲，我有幾個朋友讀書時期借八萬美金讀大學讀 master 讀埋 PHD 做博士，然後終於有年薪八萬澳元，然後辛苦在大學做教授做研究慢慢儲錢終於在 35 歲還哂 grand loan, 然後大學唔續約，幾個朋友變成失業大軍。
出外面又冇人敢請。
佢哋讀好多書架，成績又好，又讀名校，有個讀土木工程，有個係科學家研究癌症治療法，讀到差不多三十歲做埋博士，都係前途未卜。
咁你仲迫你小朋友讀書 100 分？
No comments:
Post a Comment