減肥係 80% 靠 diet

上回 提要, 我係唔鐘意用「減肥」 呢個 term 既, 因為我係為食友, 明明唔餓都可以食野。
越叫自己要跟任何餐單呀, 減肥食譜呀, 戒糖戒油戒炸戒鹽戒乜戒物呢, 我就越有意識地想著下一餐食咩好, 而且越想食唔俾我食的食物。

近年開始注意養生，想個人 firm D 實 D 健康 D 瘦 D,  呢幾年一直既做法就係盡量食少 d 份量, 飽就停, 少 d 飯呀粉呀炭水化合物咁, 同埋做下 gym 咁。

屋企有會所,  咁隔日去做幾下 sit up 舉幾野 weight 就當做左 gym, 汗都冇滴, 自我感覺良好系列。

今個冬天開始懶, 好鬼唔想郁, 就決定迫自己走出去俾錢 join gym 堂。
七月尾開始上堂, 初時每星期去兩次, 五星期後加到每星期三四次, 上 Power Barr, Yoga 同 pilate 咁。
第一堂上左五分鐘就汗流夾背, 十分鐘就想暈想嘔, 然後對腳痛左四日。
第二個星期影左全身照, 打算六星期後再影一張「脫胎換骨照」, 放上 instagram 呃下 like.

點知我發現而家仲肥過六星期前! O_o" 

8 月頭影的, 冇執相冇 tune 色, 係咪變番普通人呢?

     

有朋友就話, 減肥係 80% 靠 diet。

唔怪得啦, 自從做 gym class 後我仲食多左囉屌!
上周末仲基本上食左一星期份量咁, 星期六每兩小時食一餐, 食左五六餐, 全日嗌飽又不停食。
星期日又飲茶又打邊爐又甜品咁。

好多人 (外國人) 成日話：「哎呀你就好啦食咁多野都唔肥」
住在外國我就細細粒姐, 用番香港標準我就係肥妹仔, 如果我認真 d 努力 d 的話我可以再瘦 d 既。

好啦，似乎真係要乖乖地食健康 d, 唔好食太多肥野, 做 gym 再努力 d。
而在成功之前, 繼績以縮肚減肥啦, 一縮就兩吋架唔野少。

上第一堂前, 影完又俾朋友話真正做 gym 的人係唔會影 selfie 架, 又唔會化妝架乜乜柒柒。
好明顯我係呃 like 架啦!