老公真係超級好，有幾好呢？點樣可以相處十年都 sweet sweet 呢？男仕們不妨參考下。
1. 有商有量
由今晚食咩，週末做咩好，以至移民/養貓/轉工/生唔生仔，各大小事項老公都會同我商量，一齊做決定。
2. 萬事以我為先
老公非常緊張我，會擔心我的安危，也會把我放在他的將來計劃裡。
當然又不是除了男女朋友外便沒有生活呀，為女死為女亡癡情那樣啦。
窩心例子：月頭去 bali 旅行，出澳洲境時出境處說我的 visa 有問題，要我自己上網申請什麼什麼的，否則可能回不了澳洲。
屌丫，搞到我成程機在擔心，落機到酒店即刻 log in wifi 去登記乜乜乜，submit 左 application 就去玩。
旅行完準備去機場時我又擔心唔知係咪成功左，如果上唔到機就有可能要在機場附近過一晚，第二朝打去澳洲政府問。
於是我同老公講 : 「如果一陣 check in 時唔比我上機，咁我就在行李廂度拎幾件衫同洗面野化妝品出來放落你 hand carry bag 度，我聽日用你 hand carry bag 寄倉，你就將你 hand carry bag 啲野放落行李箱上機啦。」
點知老公話：「吓？如果唔俾你上機，咁我當然唔會自己走拋低你一個人在 Bali 啦！我地咪一齊在機場訓幾個鐘等天光就打電話囉。」
3. 有上進心
由剛認識老公仲係個剛畢業出來做 junior editor 職位， 睇住佢一步一步慢慢穩步上揚升職或轉工，腳踏實地。
琴日番左份新工，人工係佢八年前來澳洲第一份工的三倍！比上一份工都多左 45%! （不過稅率又高左 20%），守得雲開見月明了，雖然離開有錢人仲一大截，但總算唔窮，在呢個百物騰貴的世代裡算 ok 了，澳洲餓唔死人的。
4. 搞笑風趣幽默
老公個個樂觀，正能量滿滿，成日引我笑 （或者笑9我，應該係我引佢笑先啱），結婚係應該開心快樂過日子，唔好成日咁嚴肅。
5. 攬攬抱抱
日日要騰出時間 「cuddle time」，放工見面要擁抱，晚飯後攬住在疏化睇下戲，要一齊上床玩下手機睇下書然後抱著入睡。
6. 給我當理財政部
慶幸老公俾我睇數，出糧全部我管，我就每星期俾番零用錢佢。
佢想買咩貴野會乖乖問我，如果我話要等下次出糧先買得，佢會聽話。
因為佢知道自己過去一直大洗，生於小康之家的老公慣左洗腳唔沫腳，所以識我之前都冇儲蓄。
但我出生貧窮十四歲就打工賺零用錢，知道一分一毫得來不易，我買野好似師奶咁要格價，會等減價呀，什至覺得貴就唔買。
所以財政我管就可以一步一步達到我地的理想，有娛樂有得去旅行之餘仲準備買第二層樓，唔似 " 28歲的黃先生 " 咁慘要冇哂娛樂來買樓。
7. 自動報告行蹤
從 day one 拍拖開始老公就會自己話我知佢今日去過邊，一陣會做乜，聽日會做乜。
雖然我從來冇懷疑過任何野，但佢大大方方坦坦白白的舉動又的確帶來 extra 安全感。
8. 共同嗜好
大家空閒時間鐘意一齊做大家愛做的事，例如飲飲食食/去旅行/睇恐怖片/打機/睇演唱會/cosplay 去動漫展咁。
當然作為好老婆，就算自己本身唔太好釣魚/camping/star wars/足球等等，都會陪下老公去下嘅。
不過我最最最愛的唱 k 就唔洗預佢了，我自己去仲爽。
9. 會分擔家務
唔好理佢煮得好唔好食，清潔得乾唔乾淨，老公間中做下樣都好幸福了，最緊要是佢真係清左幾年貓砂盆，開心死。
