Human centipede Trilogy - 人型蜈蚣

OMG!!! 點解我睇完一集又一集，仲夠擔屎睇埋第三集架？

真係爛到不得了！

即係咁，我係個好鐘意睇恐怖片的人，但都要有原則的：唔要爛片。

第一集似是低成本拍攝，但勝在有個意出驚人的故事大綱，我都想知道到底將三個人屁股對口連成一條人型蜈蚣會點呢？

 

第一集都反而有意圖解釋下個瘋狂醫生呢個瘋狂念頭的出處呀，捉完受害者又會有警察上門呀咁，
都算是有可信性的故事，只是拍得 cheap 同 cheesy 姐。

第二集就變得超級嘔心，核突到要用黑白色。

就講個在停車場做看更的智障肥佬跟風，學第一集個醫生咁捉人來折磨。

個故事完全唔 make sense, 唔交待點解可以無人發現受害者啲車停幾日失左蹤無人查案呀？ 

呢條肥佬點樣捉到有啲大隻佬架？

點解停車場無 CCTV 架？

條佬點樣縫啲人架？

邊度有錢買啲架生呀，租個貨倉架？

總之第二集基本上是 torture porn, 但就拍攝手法高左了，因為黑白掛？有啲藝術感掛？

但我真係睇唔落去佢點敲碎啲受害者啲牙呀？

個大肚婆在逃離現場時在車上作洞生仔，但生完個 bb 滑左落地下，但大肚婆為了開車走人就狂踩油門而夾爆左個 bb 呀！

嘩屌！好撚變態呀！

我真係無興趣睇滿清十大酷刑囉。

老公好早就頂唔順走開了，仲話鬼我做乜迫佢睇，佢應該有陰影。

第三集老公就醒目了，打死都唔肯陪我睇。

好！我硬頸，係都要挑戰最後終結篇！

 

故事是在監獄，狂燥獄警要連起 500 人！

一開始，竟然是第一集的醫生加上第二集的肥佬演員，換成新的角色。

好！黎啦！我要睇哂成集！

嘩點知呢集已經失控，完全無演技，劇情繼續唔 make sense。

唔知做乜個獄卒主角一直好憤怒，講野係好浮誇地不停大叫，乜都嬲一餐然後就走去監倉度求其揾啲犯黎虐待至死。

又唔知點解其他員工又會幫手的。

佢又有個金毛衣著性感，勁大波又唔著底褲嘅秘書小姐會在 office 幫佢含撚喎。

做咩事呀？ 六十年代粵語殘片嗎？

唔得了，睇左廿分鐘真係頂唔順，息機了。

爛到不得了。(嘔)